تصرفات ام شفابف لعام 2009

من طرف **Mhmmad** الجمعة يونيو 12, 2009 4:54 pm

مرحبا قبل كل شي بدي اعطيكم مفتاح الخريطة:
ام الشفايف معناها البنت ابو شنب معناه الشب

اليوم جايبلكم موضوع عن ام شفايف لما تفوت الجامعة

1-اول يوم بتفوت فيه ام شفايف على الجامعة يا اخوان طبعا بتكون مرهقة من التوجيهي وابتمشي بالجامعة اول يوم وعندها رهبة

وبتروح لعند احلى ابو شنب وبالجامعة وبتسير تمشي من جنبو وتحكي
يماماي والله الجامعة رهبة وبتروح لعند ابو شنب ابتتحركشو ال يعني

لو سمحت لو سمحت هاي بدي اسألك بليز هاي القاعة وين
يرحم ايام الدفاشة في المدرسة وتشليخ شعور البنات في المدرسة

2-تاني يوم بتفوت على قاعة المحاضرة بدق الباب بتقول بكل نعومة وصوتها

يا دوب مسموع بليز دكتور ممكن ادخل ال يعني انها ناعمة
يرحم ايام المدرسة لما كانت تفتح باب الصف بأجرها وتدخل

3-مرات بتفوت ام شفايف على المحاضرة بتعرفو النصيب لما يلعب دور ويطلع الدكتور ابو شنب حلو والصدفة الأحلى انو يكون عزابي
بتلاقو ام شفايف طول المحاضرة بتسبل بعيونها وابتطلع على اصابع اديه
بتعرفو لزوم الأشي بدها تشوف في دبلة بأيدو ولا لا
يرحم ايام المدرسة لما كان يفوت الحداد والدهان وتقعد تاكل شبس وتطلع عليه وتسمعو حكي

4-وازا طلع الدكتور عزابي يا حليلو شو مسكين بتبطل تفهم

كل دقيقة بتلاقو ام شفايف في مكتب الدكتور مش فاهمة دكتور فهمني ولو كانت فاهمة بتسير مش فاهمة
يرحم ايام المدرسة لما كانت ما تفهمش اطنش واتقول الله لا جعل حدا فهم انا اروح للمس اخليها تفهمني ولا مرة شو جابرني

5-بتفوت على الجامعة لابسة المحزء والملزءوالبلوزة الديقة اللي على قد الجسم

يرحم ايام مريول المدرسة والجلباب والعباية

طبعا اسلوب موجود عند معظمهم لأم شفايف عشان استقطاب العرسان

6- اسلوب الغيرة بقعدو يطلعو على بعض وهاي شو لابسة وهاي شو متعطرة وهاي شو حاطة مكياج وبتقعد تطلع على جزمتها وبتروح تحكي لشلتها شوفو شوفو شارية الجزمة ام 60 شيكل والله شريتها من عند محلات الييت (اليت ماركة عالمية)ب400 شيكل

يرحم ايام البوت الرياضة ابو 40 شيكل اللي بطلع ريحة ايام المدرسة (صناعة صينية)

7-بمر ابو شنب حليوة لابس ورافع شعراتو بالواكس بتبلش ام شفايف يا ارض اشتدي ما عليكي حدا ادو

ريتك تطلع على ابري وتنعف وتعفط بالتراب تعفيط

يرحم ايام المدرسة لما كانت ما تقدر تعاكس لانها لابسة المريول خوف لا يحكي عنها ابو شنب لساتها صغيرة

8-بتروح ام شافيف عند زميلها ابو شنب تسألو سؤال او هو يجي يسألها شوفو شو ابتستخدم مصطلحات

لئا =بتصير هئا

طيب=بتصير تيب

حاضر=بتصير حادر

بديش =بتصير بديس

وهادا =بتصير هيدا

وهناك =هونيك

وشوفي = بتصير ليكي

واو شوحلو=بتصير اوووه لا لا..... فزييع

]يؤبرني اللبناني

الله يرحم ايام المدرسة ولك اخرسي وتشليخ الشعور وكلي هوا وانتي اعرفي مع مين ابتحكي انتي اكبر نورية خخخخخخخخ

9-بتكون ماشية داخلة على الجامعة متأنقة اختنا ام شفايف ولابسة نضارات شمسية بدها تلفت نظر

بتكوون متفقة مع حدا من صاحباتها اترنلها وبتبلش تعمل حالها مهمة
وابتحكي واحلى اشي وهي عاملة حالها ابتحكي حدا يرنلها

يرحم ايام المدرسة لما كانت تشتهي الجوال شهوة