تحشيش العرب مع حكوماتهم

من طرف **محمد** الخميس نوفمبر 05, 2009 3:44 pm

مرحبا ..

موضووع عجبني كتير .. لانه بحكي قصة كل مواطن عربي مع حكومته ..

بتمنى يعجبكم

الحكومة : شو اسمك

المواطن : عربي عربان العراربة

الحكومة : اسم امك

المواطن : عروبة

الحكومة : شو بتشتغل

المواطن : عـتـال

الحكومة : وشو بـتـعـتـل

المواطن : انا بعـتـل قضية شعب

الحكومة : وشو هاي يلي بايدك

المواطن : محاية

الحكومة : وشو بدك فيها

المواطن : بدي امحي الحدود

الحكومة : بس الحدود ما بتنمحي

المواطن : بدي احاول

الحكومة : وشو اللي بايدك التانية

المواطن : قداحة

الحكومة : ولشو هي كمان

المواطن : بدي احرق كل المعاهدات

الحكومة : فكرك رح نتركك تحرقها , عشم ابليس بالجنة

المواطن : بس انتو بتحكو ديموقراطية

الحكومة : ولساتنا عم نحكي

المواطن : طيب وينها

الحكومة : هيني بحكي مع اشكالك , شو بدك باحلى من هيك ديموقراطية

المواطن : وحقوق الانسان

الحكومة : بس نوصل للانسان بنبقى نعطيه حقوقه

المواطن : وانا ايش يعني , حيوان

الحكومة : لا انت مش حيوان

المواطن : ويلا انا ايش احكولي

الحكومة : انت مجرد مواطن

شو رايكم بالمواطن ,, وبالحكومة